Солтүстік Қазақстан облыстық тарихи-өлкетану мұражайы Қазақстан халқының Бірлігі күніне арналған «Бір отбасында» атты мұражайлық сабақ өткізеді. Әртүрлі тарихи оқиғалар көптеген этностарға Қазақстан жері екінші Отаны болуға септігін тигізді. Біздің мұражайлық сабақ «Бір отбасында» деп бекер аталмаған. Бүгінгі күні Республикада 130-дан астам, ал облыста 100-ден астам өзге ұл өкілдері тату-тәтті өмір сүруде, олар бір-бірлерінің салт-дәстүрлерін құрметтейді және бірге өздерінің жарқын болашақтарын қалыптастырады.
Сабақтың барсында оқушылар полиэтникалық қоғамның, көші-қон үрдісінің қалыптасу тарихымен, Қазақстан халықтарының Ассамблеясымен, тіл саясаты және конфессияаралық қоғамдармен танысады. Солтүстік Қазақстанда тұратын кейбір этностар туралы ақпаратты ала аласыздар: Қазақстанға қоныс аудару тарихы, саны, тілі, діні, материалдық және рухани мәдениеті, ұлттық бірлестіктер туралы мәліметтер.
Просмотров: 740 |
Добавил: skomo |
Дата: 28.04.2014
